Rendement quimic

En quimia, lo rendement quimic es una chifra de meriti que resulta del rapòrt entre la quantitat reala d'un produit e la quantitat teorica.^[1][2]

${\displaystyle {\mbox{percentatge del rendement}}={\frac {\mbox{rendement real}}{\mbox{rendement teoric}}}\times 100\;}$

Lo rendement teoric es la quantitat del produit prevista per un calcul estequiometric fondada suls nombres de moles de tot reactiu en preséncia. Aquel calcul supausa qu'una sola reaccion se ten e que lo reactiu limitant reagís completament. Pasmens lo rendement real es plan sovent inferior (valent a dire lo percentatge de rendement es inferior a 100%) per mantuna rason indicada a las seccions seguentas.

Los rendements pròches de 100% son dits quantitatius, los rendements superiors a 90% son dits excellents, los rendements superiors a 80% son dits plan bons, los rendements superiors a 70% son bons, mai o mens 50% son mejans e inferiors a 40% son marrits.^[3] Los rendements semblan superiors a 100% quand los produits son impurs. Las etapas de purificacion demesisson totjorn lo rendement, e los rendements indicats se referisson generalament al rendement del produit final purificat.