Praia

Praia adolah ibu kota jo kota tagadang nagara Tanjuang Verde.^[1] Talatak di pantai selatan pulau Santiago, dalam kalompok Kapulauan Sotavento, kota ko marupokan pusek pamarentahan, ekonomi jo budayo nagara. Pado tahun 2005, panduduaknyo dipakiroan bajumlah 111.500 jiwa.^[2]

Pulau Santiago ditamuan dek António da Noli pado tahun 1460.^[3] Pamukim patamo di pulau tu adolah Ribeira Grande (Cidade Velha). Praia patamo kali disabuikan sakitar tahun 1615 sabagai kampuang Praia de Santa Maria nan tumbuah manjadi palabuahan alami.^[4] Palabuahan ko manjadi pantiang bagi kapa-kapa nan balaya antaro Portugis jo koloninyo di Afrika sarato Amerika Selatan. Antaro akhia abaik ka-16 jo akhia abaik ka-18, baiak Ribeira Grande ataupun Praia maalami banyak sarangan bajak lauik, tamasuak nan dilakuan dek Francis Drake (1585) jo Jacques Cassard (1712).^[3]

Rujuakan

↑ Cape Verde, Statistical Yearbook 2015, Instituto Nacional de Estatística
↑ "Praia". Britannica.
↑ ^a ^b Valor simbólico do centro histórico da Praia, Lourenço Conceição Gomes, Universidade Portucalense, 2008
↑ Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, USA, 2013, p. 244

[yearbook-1] Cape Verde, Statistical Yearbook 2015, Instituto Nacional de Estatística

[2] "Praia". Britannica.

[gomes-3] Valor simbólico do centro histórico da Praia, Lourenço Conceição Gomes, Universidade Portucalense, 2008

[4] Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, USA, 2013, p. 244

[1]