Teresa Ann Savoy
| Teresa Ann Savoy | |
|---|---|
 | |
| Land |  Unit Reyatu,  Italia
|
| Nascentie | 18-im de julí 1955 in London |
| Morte | 9-im de januar 2017 in Milano, Italia |
| Ocupation | Actoressa |
Teresa Ann Savoy es un britan-italian actoressa de cinemá e television. Ella nascet li 18-im de julí 1955 in London e morit li 9-im de januar 2017 in Milano (Italia). Teresa Ann Savoy devenit famosi per luder li rol de Iulia Drusilla in disputat historie-film Caligula del film-director Tinto Brass in li annu 1979.
Teresa Ann Savoy fugit su familie in li etá de 16 annus e habitat in un comunitá de hippies sur Sicilia. In li annu 1973 ella aparit in li revue por adult mannes Playmen quande ella esset 18 annus old. Solmen un annu plu tard ella ludet in su unesim film. In li annu 1975 Teresa Ann Savoy conossentat li italian director de filmes Tinto Brass. Ella ludet in li filmes Salon Kitty e Caligula de Tinto Brass.
Teresa Ann Savoy esset activ quam actoressa inter 1974 e 2000.
Teresa Ann Savoy esset maritat e havet du infantes. Ella morit in li etá de 61 annus ye li 9-im de januar 2017 in Milano (Italia) pro cáncere.
Filmografie
[modificar | redacter fonte]- 1974 Le farò da padre quam Clotilde Spina
- 1976 Salon Kitty quam Margherita
- 1976 Private Vices, Public Pleasures quam Mary
- 1977 Sandokan alla riscossa! (Sandokan to the Rescue) quam Jamilah
- 1979 Caligula quam Iulia Drusilla
- 1981 La disubbidienza quam Edith
- 1981 The Tyrant's Heart quam Katalin
- 1984 Il ragazzo di Ebalus quam yun terrorist
- 1984 La Certosa di Parma (Serie de televison)
- 1986 La Donna del Traghetto
- 1987 D'Annunzio quam Maria di Gallese
- 2000 La fabbrica del vapore quam Magazziniera