Erosiebeheer

Erosiebeheer is metodes wat toegepas word om wind- of watererosie te voorkom in landbouaktiwiteite, landontwikkeling, op kusgebiede, rivieroewers en by konstruksie-areas. Effektiewe erosiebeheer moet toegepas word om waterbesoedeling, grondverlies, habitatvernietiging en skade aan eiendom te voorkom.

Erosiebeheer word in die natuur, in landbou-areas en in stedelike- en dorpsgebiede toegepas. In stedelike- en dorpsgebiede vorm die stormwaterbeheerprogramme, wat deur plaaslike regerings vereis word, deel van die beheer van erosie. Die vestiging van plantegroei of die plasing van rotse en klippe om van die energie te absorbeer wat die erosie veroorsaak, is van die maatreëls wat getref word. Dit behels ook die bou en van stormwaterdreine. By kontruksie-areas word hierdie dreine dikwels saam met sedimentbeheermaatreëls soos spesiale opvangareas en slikfilters gebruik.

Oewererosie is 'n natuurlike proses en daarsonder sou riviere nie gekronkel het of hulle koers kon verander nie. Wanneer die vloei van die rivier kunsmatig verander word en die plantegroei op die oewer van die rivier verander, het dit 'n impak op die vloei van die rivier. Op baie plekke, of die walle van die rivier onstabiel is of nie, probeer mense om die rivier op 'n spesifieke plek te laat loop. Dit word gewoonlik gedoen ter wille van een of ander omgewingskwessie of om te verhoed dat die rivier oor die grond vloei wat vir 'n ander doel, soos landbou of behuising, gebruik word. Een manier om dit te doen is om klippe of skanskorwe op die walle van die rivier te plaas.

Die volgende dinge is voorbeelde van erosiebeheer.

Sedert die 1920's en 1930's^[4] het wetenskaplikes wiskundige modelle ontwikkel om die meganisme van gronderosie en die ontstaan van sedimentverspoelings beter te verstaan. Een hiervan is 'n navorsingstuk van Albert Einstein waarin hy Baer se Wet toepas.^[5] Hierdie modelle word gebruik vir verskillende soorte erosie, onder meer waar slegs die boonste grondlaag wegspoel en waar dongas gevorm word. Aanvanklik het hierdie modelle net gebruik gemaak van 'n eenvoudige stel vergelykings waarvan die bewerkings met die hand gedoen is. Teen die 1970's het hierdie modelle uitgebrei en word dit met rekenaars gedoen.^[6]  Hierdie gevorderde modelle is in staat om sekere veranderings in mikrometereologie, die verspreiding van gronddeeltjies en variasies in die mikroterrein aan te spreek.

• Erosie
• Tipes erosie
• Gronddegradasie

• "Saving Runaway Farm Land", November 1930, Popular Mechanics Een van die eerste artikels oor erosiebeheer en die probleme rondom die kwessie.
• Erosion Control Technology Council – 'n handelsorganisasie wat daarop fokus om mense in te lig oor erosiebeheer en die beheer daarvan te standardiseer.
• International Erosion Control Association Geargiveer 8 November 2009 op Wayback Machine -Professionele Assosiasie, Publikasies, opleiding.
• WatchYourDirt.com – Opvoedkundige Videomateriaal oor Erosiebeheer
• Soil Bioengineering and Biotechnical Slope Stabilization – Erosiebeheerafdeling op 'n webtuiste oor die herstel van sekere habitats
• Vetiver Network International – Die bestuur van grond en water
• Groenkreatief Markvoort Holten – Groenkreatief Markvoort Holten, Nederland