Itzhak Perlman

Itzhak Perlman (Tel Aviv, lo 31 d'agost de 1945) qu'ei un violonista israelian e nòrd-american considerat com un deus màgers deu sègle XX.

Qu'aprengó lo vriulon mainatge en Israèl en muishà 's hèra precòç e d'un capatge deus géncers. Arron que se n'anè estudiar aus Estats Units a la Juilliard School on hon professors sons Ivan Galamian e Dorothy DeLay. Que debutè au Carnegie Hall en 1963.

En 1987 que rejonhè l'Orquèstra Filarmonica d'Israèl dab la quau e hore lo torn deu mòn. A desprat deu concertista qu'a tanben estat director deu Detroit Symphony Orchestra e qu'arrecevè la cadièra de Dorothy Delay (lo son professor) a la Juilliard School.

Que joga dab un vriulon stradivarius que crompè a Yehudi Menuhin aperat lo Soil (1714) e tanben dab lo General Kyd (Stradivarius, 1714), lo Sauret (Guarnerius del Gesu, 1743) e lo Kreisler Bergonzi (Bergonzi, 1740).