Pelie
Pelie, sīkēs da vadėnama žiorkė (luotīnėškā: Mus, onglėškā: House mice, vuokīškā: Mäuse) īr smolkos graužėks, katros prėgol pelėniu gīviu (Muridae) šeimā.
Pelies kūns īr 7-8 cm ėlgoma, 14-32 g sonkoma. Kālioks īr pėlks, švelnos. Snokis īr smālos. Ousis īr ožlėnktas prėikėn ė sėik akis. Pelies oudega īr mažne vėinuoda ėlgoma kāp ėr anas kūns.
Žėimuos čieso gyven truobesiūs, vuo vasara būn laukūs, lėgė 1-2 km nū suodu. Nomūs jied vėsuoki jiedi (douna, sūri, kruopas, sieklas), vuo gomtuo jied grūdos, augalū sieklas. Pelės prėdrėb vėsuokės ėškadas - apkromt baldos, kningas, drabožios. Anas īr gaudamas slastās, tročėjėmas tročās.
