Camilla Belle
| Personedate | |
|---|---|
| Geburtsname: | Camilla Belle Routh |
| aktivi Johr: | 1993 - hütt |
| Website: | http://camilla-belle.net/ |
Camilla Belle Routh isch en Amerikanischi Schauspiileri
Biografi
Persöndlichs Läbe
Camilla Belle isch am 2.10.1986 in Los Angeles, Kalifornie gebore. Si het d elite Meitlischuel Marlborough School in Los Angeles bsuecht. Si isch d Dochter vo de Deborah und em Jack Routh. Iri Mueter chunt vo Brasilie, ire Vater isch Amerikaner.
Karriere
Iri Karriere hät mit verschidnige Uuftritt i Werbespots agfange. Mit siibe Jaar bereits het si i irem erste Film Rettet uns - Hilfeschreie unter Trümmern mitgspielt. Mit em Film Die Traumprinzessin het si bereits im Alter vo nüün Jaar ires Kinodebüt gfiiret.
De ersti grossi Film wo si mitgspiilt het isch de Steven Spielbergs Vergessene Welt: Jurassic Park usem Jaar 1997 gsi. 1998 het si im Film Der Patriot – Kampf ums Überleben het si näbem Steven Seagal gspiilt. Im gliiche Jaar het si nebe de Kinogrössene Nicole Kidman und Sandra Bullock im Film Zauberhafte Schwestern mitspiilet.
Im Jaar 2005 het si bi de Film The Ballad of Jack and Rose und The Quiet s erscht mal FIlmrollene als erwachsnigi Schauspiileri kah. Für die Leistige i dene beide Film het si vill positivi Kritike übercho.
Im Jaar 2006 het si endgültig de Durchbruch gschafft und het d Hauptrolle im Horror-Thriller Unbekannter Anrufer übernoh. 2008 het si im Film 10'000 BC vom Roland Emmerich d Rolle vo de Evolet übernoh.
Filmografi
- 1993: Rettet uns - Hilfeschreie unter Trümmern (TV)
- 1993: Wiegenlied des Schreckens (TV)
- 1994: Undercover Sarah (TV)
- 1995: Annie: A Royal Adventure! (TV)
- 1995: Die Traumprinzessin
- 1996: Kalifornia Nightmare (TV)
- 1996: Poison Ivy II - Jung und verführerisch
- 1997: Vergessene Welt Jurassic Park
- 1998: Der Patriot – Kampf ums überleben
- 1998: Walker, Texas Ranger (TV-Serie)
- 1998: Zauberhafte Schwestern
- 1999: Replacing Dad (TV)
- 1999: Secret of the Andes
- 2000: Surfer Girls (TV)
- 2001: Back to the Secret Garden
- 2001: Deadly Shadows
- 2005: The Quiet
- 2005: The Ballad of Jack and Rose
- 2006: The Chumscrubber - Glück in kleinen Dosen
- 2006: Unbekannter Anrufer
- 2007: The Trap
- 2008: 10.000 B.C.
- 2008: Push